Beautiful girls
اهلا بكم فى منتدى اجمل بنات،Beautiful girls
انت غير مسجل اذا كنت تود التسجيل فأضغط على زر التسجيل
واذا كنت مسجل فأضغط على زر دخول
منورين المنتدى
Beautiful girls
اهلا بكم فى منتدى اجمل بنات،Beautiful girls
انت غير مسجل اذا كنت تود التسجيل فأضغط على زر التسجيل
واذا كنت مسجل فأضغط على زر دخول
منورين المنتدى
Beautiful girls
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


Welcome wept at the site of Beauty
 
الرئيسيةالبوابةأحدث الصورالتسجيلدخول

 

 طريقة ترتيب نيش السفره

اذهب الى الأسفل 
كاتب الموضوعرسالة
ISRAA
Admin
ISRAA


انثى عدد المساهمات : 385
تاريخ التسجيل : 23/04/2010
very good

طريقة ترتيب نيش السفره Empty
مُساهمةموضوع: طريقة ترتيب نيش السفره   طريقة ترتيب نيش السفره Emptyالخميس 10 يونيو 2010, 8:32 pm

طبعا كل عروسة بتفرش النيش بتاعها بتبقى محتارة تفرشه ازاي؟
ازاي مايبقاش تقليدي؟
انا هديلكم شوية نصايح يارب تفيدكم
بس الاول اعرف النيش لان اكيد في كتير من الاخوات مايعرفوش يعني ايه نيش
لان الاسامي بتختلف من بلد لبلد
النيش ده عبارة عن دولاب ب2 ضلفه او 4 ضلفه حسب حجمه
بيبقى الوش بتاعه زجاج والجوانب زجاج والظهر خشب
لكن فيه مرايه عشان يعكس الضوء
وده بيترص فيه طقم الصيني واطقم الشاي والقهوة والكاسات ....وهكذا
ودي صورته

طريقة ترتيب نيش السفره 4wvf4t7pstrq

نبدأ بقى طريقه فرشه بسم الله
اولا طبعا لازم تفرشي بالمفارش اللي تبع مفرش السفرة
بيكون في مفارش مربعة صغيرة بتحطيه ويكون نازل منه جزء على شكل مثلث وطبعا بيكون المثلث ده مطرز
بتفرشيه في الوش وفي الجوانب كمان عشان تدي شكل جميل
ودي صورة للتوضيح طبعا منقوله من المنتديات

طريقة ترتيب نيش السفره Ofl2vsw73s07

ثانيا ترتيب الاطقم
حاولي وانتي بتشتري الاطقم متجبيش الوان كتير
يعني بلاش يبقى النيش عبارة عن كرنفال الوان عشان ميزغللش العين
وكمان هتلاقي صعوبه في تنسيقة خصوصا لو المفرش لونه مش لايق مع الطقم
يعني حاولي يبقى الاطقم على قد ماتقدري لون واحد او لونين بالكتير
يعني لو ذهبي يبقى الكاسات فيها خطوط او رسومات دهبي وممكن يكون طقم الشاي على لون عسلي يعني حاولي يبقى الالوان ماشيه مع بعض وطبعا المفارش تكون ذهبي فاتح او بيج
ولو عايزة تكون حاجتك على فضي يبقى دي سهله بالنسبالك ممكن تحطي لون تاني زي الاحمر او الاخضر او الازرق وده هيديكي انعكاس جميل جدا
زي النيش ده عبارة عن لونين فضي وابيض مع احمر

طريقة ترتيب نيش السفره Bif054b804nb

طريقة الترتيب بقى طبعا الكاسات واطقم الشربات بيبقوا لوحدهم وترصيهم بشكل جميل لكن بلاش تبالغي وتكتري في الحاجه عشان جمال الاطقم هتروح

وطبعا طقم الشاي بترص كله وبيكون البراد في النص وحواليه الفناجين وبيكون وراه سيرفيس مدور او بيضاوي زي ماتحبي ويكون واقف وراه يعني ساند على خلفيه النيش وممكن كمان تحطي حواليهم فناجين القوة اللي تبع طقم الصيني طبعا عشان يبقو شكل واحد

واطقم الخشاف بيكون الطبق الكبير في النص وبيتحط جواه الاطباق الصغيرة بشكل مرتب وجميل
وطبعا بيكون عندك طقم صواني للتقديم بتكون غير اللي بتستخدميها في المطبخ
ودي بتحطيها في الخلف زي السيرفيس كده اللي اتكلمت عنه من شويه

اما بالنسبه لشنطه الملاعق فليكي حريه الاختيار
ياما بتفتحيها وتحطيها زي ماهي
ياما وده الافضل انك تشيلي الملاعق منها وتضعيها في ادراج البوفيه
طبعا الملاعق بتبقى محطوطه في حاجه كده جوة الشنطه وبتكون لكل واحده مكان مخصص فانتي بتشيليها بيها عشان شكل الملاعق ميبوظش
بالنسبه بقى لباقي طقم الصيني فدول بيترصوا في البوفيه ولو ماعندكيش بوفيه فبترصيهم في النيش من تحت خالص بيكون في مكان متداري
طبعا لان ماينفعش ان الاطباق تبان في النيش
طريقة ترتيب نيش السفره Chtjzaz8wq0m
ولو عندك اي اطقم زياده من الكاسات او الشربات او قهوة والنيش اتملا خلاص
فممكن ترصيه جوة البوفيه زي مانتي عايزة
وممكن تحطي شويه اكسسوارات حوالين الاطقم لكن بلاش تكتري عشان مفيش احلي من البساطه
وده مثال للاكسسوار
طريقة ترتيب نيش السفره 0gw7t8etl2p8
وكده نبقى خلصنا كلام عن طريقه ترتيب النيش
الرجوع الى أعلى الصفحة اذهب الى الأسفل
https://beauty-girls.gid3an.com
 
طريقة ترتيب نيش السفره
الرجوع الى أعلى الصفحة 
صفحة 1 من اصل 1
 مواضيع مماثلة
-
» ترتيب غرف الاستقبال
» ترتيب غرف النوم
» كيفية ترتيب المطبخ و اضافة لماسات جماليه
» طريقة اللازنيا الايطاليه
» طريقة وضع الروج بالصور

صلاحيات هذا المنتدى:لاتستطيع الرد على المواضيع في هذا المنتدى
Beautiful girls :: تجهيز العرائس :: كل ما يتعلق بالعروسه-
انتقل الى: