ملف شامل لهموم الأفراح والمناسبات,وأفكار مميزه للحفلات - تنسيق الطاوله وتوابعها

من الأفكار الغير مكلفه واللى تعطي
شكل جذاب وحلو
التأثيرات بالأقمشه فقط يعني تختارين مفرش للطاوله من التل والأورجنزا شوفوا الصوره هنا نسوي كرمشه
يعني شوية تاثيرات بخامة القماش ونثر اوراق بسيطه من الورد مع فازات شموع صغيره بتطلع الطاوله مره حلوه وماتحتاج جهد

واذا اخترتي لون مناسب راح يطلع احلى بالتأكيد خاصة لو دمجتي لونين شوفي هالفكره عنك هنا لون هالمفرش مثلآ تخيلي لو جبنا متر واحد بس من التل اللمعه وحطيناه فوق المفرش الأشاسي بشوي حركات متموجه وش بيطلع!!

يعني الخيال واسع هنا وتخيلي بعد اللون العنابي مع الذهبي ملوكي هذا عاد
أو الفوشي والذهبي

وعلى فكره بالنسبه للشموع لها افكار عديده تقدرين تستغلينها اي قاعده زجاجيه او ورد او حتى البرطمانات الموجوده عندك بالمطبخ تقدرين تغيرين شكلها

بنشوف ان الهيكل الداخلي مو واضح ولا احد يقدر يشوفه يعني أي علب زجاجيه عندك وأحجام مختلفه جمعيها واحفظيها بكرتون بالمخزن مثلآ

شوفي هنا بالخلف اشكال الشموع بالزجاجيات شلون تعطي شكل

وعند المناسبه راح تبدعين فيها مثل

تلبيس النموذج بقطعه مربعه من الورق المستخدم في تغليف الهدايا اللى يكون مثل المناديل ناعم شوي وفيه بشارع العطايف بالمكتبات الوان خيال

وبعد ماتلبسينها تربطينها بشريطه من القش وهذا مستهلك كثير عند محلات الهدايا وهو يعطي لمسة لأي تغليف تلاقونه بالسويلم بعد لفه كامله ب25 ريال تقعد اشهر حسب الإستخدام

وبعد ماتربطينها انتي وخيالك الواسع تقدرين تحطين فوق الربطه اي اكسسوار عندك قديمتراه يعطي شكل عشان تفهمون قصدي تقريبآ مثل هذا بس الصوره لنموذج كبير بس انتم خذوا الفكره وابدعوا فيها

وانتي عاد تقدرين تنوعين بالربطه قش او شرايط اورجنوا او قطعه من التل المستخدم في مفرش الطاوله نفسها يعني الخيال واسع انتي بس فكري وبتلاقين خير